Fleyr - ÍF 3-0 (25-23, 25-23, 25-23) 

Í gjár var síðsti dysturin millum Fleyr og ÍF áðrenn sjálva FM finaluna millum somu lið. Okkara leikara skuldu koma ígongd aftur eftir 3-2 ósigurin á Mjølni. ÍF liðið var eitt sindur skert til dystin. Hevarin, Bartal Eliasen, var ikki við. 



Dysturin byrjaði væl fyri Fleyr. Við góðum aggresivum spælið fóra okkara flúgvandi uppá 10-4. Ferðin í Fleyr spælinum minkaði og ÍF kom innaftur í dystin. Teir løgdu seg fyri fyrstu fer á odda við støðuni 23-22. Ein sera væl spælandi Rasmus Potts fekk tó vent tí heila aftur og Fleyr vann settið 25-23. 

Í 2.setti løgdu okkara leikarar líka hart út sum í undanfarna setti. ÍF spælið, serliga blokkurin, fór tó at koyra betur, Teir hálaðu seg inn á okkara, men leiðslan helt og aftur endaði tað 25-23 til Fleyr. 

3.sett var javnt tann fyrsta partin, men so fór ÍF eitt sindur frá. Okkara leikarar kempaðu væl og vóru meira avgjørdir í álopinum enn teir hava verið leingi. Við hesum megnaðu teir at venda 19-22 til 25-23 og 3-0 til Fleyr. 

Ein sera góður sigur hjá Fleyr. Sjálvt um IF manglaði ein týðandi leikara, so má hetta geva okkara leikarum trúnna uppá at gullið endar í Havn.

Rasmus Potts spældi sera væl í álopspartinum, meðan Rói Hentze enn einaferð vísti, at hann er besti móttøkuleikari í landinum. Rasmus gjørdist topsskorari við 14 stigum, Fróði og Rói fingu 10 stig.

Síðsti dystur áðrenn FM finalurnar verður leygardagin í Sørvági. 

Koyr á Fleyr!!!






«2021»Í dag«Jan»
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
M T M H F L S
Til kalendaran omanfyri skal viðmerkjast, at tað er skráin, sum liggur hjá FBF, sum er galdandi. Tað kunnu koma broytingar, og tað kann henda, at vit ikki fáa dagført alt beinanvegin alla tíðina.